Aktualitet

Ahmetaj: 30 milionë dollarë shtesë për rindërtimin

Zv.kryeministri Arben Ahmetaj në një konferencë ka bërë me dije vendimet kryesore që janë marrë në mbledhjen e dytë të Këshillit të Ministrave të qeverisë “Rama 3”.

“Kjo është mbledhja e dytë e qeverisë dhe do të doja të ndaja me ju vendimet kryesore duke filluar me vendimet për programin e rindërtimit. Siç e dini, rindërtimi vijon me intensitet. Sot i kaluam me VKM fondit shqiptar rreth 30 mln dollar për të vijuar punën në terren që të plotësojmë atë angazhim që kemi marrë për të mbaruar punët në shtator 2022.

Një vendim tjetër po në kuadër të rindërtimit, pra në lagjen 4 dhe 8 të kryeqytetit ku i hapet rruga punimeve me shpejtësi nëpërmjet shpronësimit me këmbim. Kjo do bëjë të mundur vazhdimin e punës me 2 dhe 3 turne dhe shërbimin ndaj qytetarëve që do të shpronësohen sipërfaqet sipas ligjit qoftë për truall, qoftë për banesa.

Në të njëjtën kohë, dua të ndaj me qytetarët dhe studentët që kaluam 3 marrëveshje të rëndësishme me qeverinë gjermane brenda paktit të universitetit një shumë prej 20 mln euro hua dhe 5.8 mln euro grant që do të shkojnë në rikonstruksion me eficencë energjie të godinave, studentëve, universiteteve publike. Kemi filluar punën që para disa vitesh. Pakti i universitetit vijon me intensitet të gjitha angazhimet e kryeministrit dhe qeveria”, tha Ahmetaj.

voradmin

Misioni i Vora News është informimi i publikut duke u nisur nga disa kritere: depolitizimi, angazhimi për paanësi dhe ndershmëri do të jetë një kategori e re dhe e identifikueshme e gazetarisë ku qëllimi i saj është të sigurojë një analizë të saktë dhe të paanshme të deklaratave, në mënyrë që të korrigjojë perceptimet e gabuara tek audienca dhe të rrisë njohuritë e publikut mbi çështje e rendesishme te aktualitetit. Gazetaria drejt rikthimit tek misioni i saj!
Back to top button

Adblock Detected

Please consider supporting us by disabling your ad blocker