Aktualitet

Arsenali i armëve të sekuestruara nga RENEA në Tiranë, burg për 9 të arrestuarit

Gjykata e Posaçme ka vendosur arrest me burg për nëntë të arrestuarit në lidhje me kapjen e armatimit dhe municioneve pak ditë më parë në Tiranë. Mësohet se për Klodian Kullën është caktuar burg për 45 ditë kurse për të tjerët është vendosur burg pa afat.

Në Gjykatën e Posaçme u mbajt seanca për caktimin e masës për personat e arrestuar më 1 prill, me finalizimin e operacionit të koduar “Kompleks”. Para gjykatës dolën sot Blendi Deda, Flor Abazi, Paris Prenga, Petrit Shera, Algert Hysa, Bujar Jupi, Festim Mustafa, Arben Sufa dhe Klodian Kulla.

Kujtojmë se RENEA bastisi gjatë orëve të para të 1 prillit disa banesa në Tiranë duke sekuestruar një sasi të madhe armatimi. Gjatë këtij operacioni u arrestuan 5 persona dhe u shoqëruan 20 të tjerë, ndërsa dy të tjerë u shpallën në kërkim. Krahas armatimit, policia ka sekuestruar edhe 7 makina, 2 prej të cilave janë të blinduara. Operacioni sipas policisë u krye në 18 baza ku mbahej armatimi në fjalë.

Tashmë, arsenali i armëve është dërguar pranë laboratorit të kriminalistikës për të zbuluar nëse në ato ka ose jo shenja gishtash të fiksuara që mund të çojë në arrestimin e personave të tjerë.

voradmin

Misioni i Vora News është informimi i publikut duke u nisur nga disa kritere: depolitizimi, angazhimi për paanësi dhe ndershmëri do të jetë një kategori e re dhe e identifikueshme e gazetarisë ku qëllimi i saj është të sigurojë një analizë të saktë dhe të paanshme të deklaratave, në mënyrë që të korrigjojë perceptimet e gabuara tek audienca dhe të rrisë njohuritë e publikut mbi çështje e rendesishme te aktualitetit. Gazetaria drejt rikthimit tek misioni i saj!
Back to top button

Adblock Detected

Please consider supporting us by disabling your ad blocker