Aktualitet

Çekia eliminon Holandën nga Euro 2020, në çerekfinale takohet me Danimarkën

Republika Çeke ka eliminuar Holandën nga 1/8 e finales, duke kaluar kështu në çerekfinale të Euro 2020.

Pas vetëm tetë minutash lojë, Tulipanët rrezikuan me anë të Matthijs de Ligt që gjuajti me kokë, mirëpo goditja e tij përfundoi mbi portë.

Holanda vazhdoi më pas me tjera raste, mirëpo u mungoi efikasiteti, derisa mbrojta e çekëve ishte tejet e ngjeshur.

Një tjetër rast serioz ishte ai në minutën e 38-të, kur Antonin Barak lëshoi një shans të artë shënimi.

Goditja e tij me kokë ishte e pasaktë, duke e dërguar topin mbi traversë, e që ky ishte rasti i dytë më i rrezikshëm në këtë pjesë të parë, pas atij të De Ligt.

Pjesa e dytë filloi mjaftë furishëm me një karton të kuq dhe dy gola të shënuara nga çekët.

Ishte minuta e 55-të, kur Holanda mbeti me dhjetë lojtarë në fushë, pasi De Ligt luajti me dorë dhe u përjashtua me karton të kuq.

Çekët përfituan nga epërsia numerike, duke kaluar në epërsi me anë të Tomas Holes (68’), që u asistua nga Tomas Kalas.

Në minutën e 80-të, çekët shënuan edhe golin e dytë, tani me anë të Patrik Schick, me Holes që ishte tani në rolin e asistuesit.

Kështu, Çekia kaloi në çerekfinale të Kampionatit Evropian, derisa aty do të takohet me Danimarkën që eliminoi Uellsin me rezultat 4-0.

voradmin

Misioni i Vora News është informimi i publikut duke u nisur nga disa kritere: depolitizimi, angazhimi për paanësi dhe ndershmëri do të jetë një kategori e re dhe e identifikueshme e gazetarisë ku qëllimi i saj është të sigurojë një analizë të saktë dhe të paanshme të deklaratave, në mënyrë që të korrigjojë perceptimet e gabuara tek audienca dhe të rrisë njohuritë e publikut mbi çështje e rendesishme te aktualitetit. Gazetaria drejt rikthimit tek misioni i saj!
Back to top button

Adblock Detected

Please consider supporting us by disabling your ad blocker