AktualitetShëndeti

Komiteti Teknik i Ekspertëve: Miratohet doza e tretë, vaksinim edhe fëmijët +16 vjeç

Komiteti Teknik i Ekspertëve gjatë një mbledhje të sotme ka vendosur që të miratojë rekomandimin e bërë nga Komiteti i Vaksinimit ku është parë e nevojshme doza e tretë e vaksinës, anti-covid.

Rekomandimi i dytë i miratuar është për uljen e fashës së grup moshës për vaksinimin +16 vjeç dhe po ashtu vaksinimin +12 vjeç por vetëm për ata fëmijë të cilët kanë problematika shëndetësore.

“Komiteti i Ekspertëve vendos që personat që janë mbi 60 vjeç të bëjnë dozën e tretë jo më herët se 6 muaj pas dozës së dytë. Që nga data 1 nëntor. Fëmijët që janë 16 plus do ftohen për vaksinim.” tha Mira Rakacolli.

Ndërkohë masat shtrënguese për parandalimin e Covid-19, nuk do të ndryshojnë. Ky ka qenë vendimi i marrë në mbledhjen e Komitetit Teknik të Ekspertëve ditën e sotme. Sipas zv.ministres së Shëndetësisë, Mira Rakacolli pavarësisht se në vend ka një përkeqësim të shifrave me infektimet, nuk është para e nevojshme për të ndryshuar masat shtrënguese.

“Niveli i masave shtrënguese do mbetet i njëjtë. Komiteti tërheq vëmendjen tek zbatimi i masave dhe kështu nuk ka vend për shtrëngime të mëtejshme” tha Mira Rakacolli.

Ekspertët kanë bërë thirrje edhe një herë që qytetarët të vaksinohen si dhe të ruajnë distancën.

voradmin

Misioni i Vora News është informimi i publikut duke u nisur nga disa kritere: depolitizimi, angazhimi për paanësi dhe ndershmëri do të jetë një kategori e re dhe e identifikueshme e gazetarisë ku qëllimi i saj është të sigurojë një analizë të saktë dhe të paanshme të deklaratave, në mënyrë që të korrigjojë perceptimet e gabuara tek audienca dhe të rrisë njohuritë e publikut mbi çështje e rendesishme te aktualitetit. Gazetaria drejt rikthimit tek misioni i saj!
Back to top button

Adblock Detected

Please consider supporting us by disabling your ad blocker