Aktualitet

Kur do të marrë fund pandemia? OBSH jep një lajm të keq dhe një të mirë!

Në një kohë kur varianti Delta po përhapet me shpejtësi në të gjithë globin, zyrtarët e OBSH-së janë ende optimistë se udhëheqësit botërorë mund ta vënë pandeminë nën kontroll vitin e ardhshëm. Pandemia mund të përfundojë më shpejt nëse shtetet sigurohen që vaksinat të shpërndahen në mënyrë të barabartë në vendet e varfra, praktikohet distanca shoqërore dhe financohen në mënyrë adekuate spitalet.

“Varianti Delta nuk do të jetë varianti i fundit shqetësues për të cilin do të na dëgjoni të flasim.”, tha Maria Van Kerkhove, udhëheqësja teknike e OBSH-së për Covid-19.

“Do të doja të thosha se pandemia do të mbarojë këtë vit, por me të vërtetë nuk mendoj kështu.”, u shpreh Dr. Mike Ryan, drejtor ekzekutiv i programit të urgjencave shëndetësore të OBSH-së. “Nëse jemi me të vërtetë me fat, do ta vëmë nën kontroll vitin e ardhshëm.”

Pandemia do të përfundojë, nëse ecim me ritme të shpejta të vaksinimit. Vendet me norma të larta vaksinimi mund ta shohin përfundimin e pandemisë më shpejt, tha Ryan, duke kritikuar udhëheqësit botërorë për mosndarjen e rezervave të tyre të vaksinave, me vendet e varfra.

Shumë vende të botës po shohin rritje të rasteve, tha Van Kerkhove: “Në shtatë ditët e fundit, në nivelin global, ka pasur një rritje 11.5% të rasteve dhe një rritje prej 1% të vdekjeve.” Javën e fundit, shumë rajone të botës panë rritje infektimesh. Evropa pa një rritje gati 21%, Azia Juglindore 16.5%, rajoni i Paqësorit Perëndimor rreth 30% rritje dhe rajoni i Mesdheut Lindor shënoi një rritje prej 15% të rasteve.

voradmin

Misioni i Vora News është informimi i publikut duke u nisur nga disa kritere: depolitizimi, angazhimi për paanësi dhe ndershmëri do të jetë një kategori e re dhe e identifikueshme e gazetarisë ku qëllimi i saj është të sigurojë një analizë të saktë dhe të paanshme të deklaratave, në mënyrë që të korrigjojë perceptimet e gabuara tek audienca dhe të rrisë njohuritë e publikut mbi çështje e rendesishme te aktualitetit. Gazetaria drejt rikthimit tek misioni i saj!
Back to top button

Adblock Detected

Please consider supporting us by disabling your ad blocker