Aktualitet

Pas dy ditësh bllokimi sot nisin fluturimet, rikthehet normaliteti në Aeroportin e Rinasit

Ministrja e Infrastrukturës dhe Energjisë, Belinda Balluku ka njoftuar se duke filluar nga dita e sotme në orën 9:00 operimet në aeroportin e Rinasit dhe në hapësirën ajrore shqiptarë do të kthehen në normalitet.

Njoftimin e ka bërë përmes një statusi në Facebook pas mesnatës, ndërkohë që e paralajmëroi edhe një ditë më parë gjatë një komunikimi për mediat.

Balluku tha se fillimisht do të nisnin fluturimet emergjente dhe më pas ato për pasagjerët.

Fluturimet në aeroportin e Rinasit u bllokuan për 48 orë për shkak të një greve të kontrollorëve të trafikut ajror.

Kriza në aeroportin e Rinasit u zgjidh duke sjelle disa kontrollorë turq të trafikut ajror, të cilët do të zëvendësojnë kontrollorët shqiptarë që pezulluan punën. Kjo bëri që në Rinas të ulej avioni i parë i “Air Albania”, i cili transportoi një sasi vaksinash.

Mësohet se kontrollorët turq kanë mbërritur mbrëmjen e së mërkurës në Rinas, duke ardhur nga Podgorica. Por gjatë ditës së djeshme Ministria e Transportit nisi negociata me disa vende të Bashkimit Europian për zëvendësimin e kontrollorëve të trafikut ajror në Shqipëri, të cilët kanë braktisur punën.

Ishte Komiteti i Emergjencave Civile që i hapi dritën e gjelbër zëvendësimit të kontrollorëve. Marrja e “OK”-it nga Komiteti i Emergjencave Civile shkurton procedurat e zëvendësimit të tyre. Mësohet se është marrë përgjigje pozitive nga disa vende partnere, ndërsa zgjidhja më e shpejtë është gjetur përmes kontrollorëve turq. Zëvendësimi i kontrollorëve pritet të zgjasë derisa të ketë një zgjidhje përfundimtare të situatës së krijuar.

voradmin

Misioni i Vora News është informimi i publikut duke u nisur nga disa kritere: depolitizimi, angazhimi për paanësi dhe ndershmëri do të jetë një kategori e re dhe e identifikueshme e gazetarisë ku qëllimi i saj është të sigurojë një analizë të saktë dhe të paanshme të deklaratave, në mënyrë që të korrigjojë perceptimet e gabuara tek audienca dhe të rrisë njohuritë e publikut mbi çështje e rendesishme te aktualitetit. Gazetaria drejt rikthimit tek misioni i saj!
Back to top button

Adblock Detected

Please consider supporting us by disabling your ad blocker