Opinion

Trau në Rrugën e Kombit, Berisha akuzon Ramën si anti-shqiptar

Ish-kryeministri i Shqipërisë, Sali Berisha ka akuzuar pasardhësin e tij në qeveri, Edi Rama, se është një anti-shqiptar që punon për interesat e Serbisë.

Në një prononcim për mediat pas takimit me kryetaren e Parlamentit të Kosovës dhe presidenten në detyrë, Vjosa Osmani, Berisha tha se vendosja e taksës nga Rama, në Rrugën e Kombit është një akt armiqësor ndaj veriut dhe Kosovës.

“Trau në Rrugën e Kombit është një akt armiqësor ndaj veriut dhe Kosovës. Shqiptarët duhet ta dinë, se jo tani, por që në vitin 2013, falë asaj rruge, qytetarët e Kosovës kontribuonin në 320 mln euro në prodhimin e brendshëm të Shqipërisë. Ky njeri që nuk ka investuar një qindarkë të vetme për marrëdhëniet Shqipëri-Kosovë, vuri taksën për qytetarët e Kosovës për të ardhur në Shqipëri, në një akt prej faqeziu të vërtetë”, u shpreh Berisha.

Berisha theksoi se mohimi nga Rama i gjenocidit serb, ishte akt flagrant armiqësor ndaj kombit shqiptar.

“Akti i mohimit me urdhër të Edi Ramës në dokumentin e Parlamentit shqiptar të gjenocidit serb, është akt armiqësor ndaj çdo shqiptari. Është një akt armiqësor ndaj njerëzimit, i cili nuk njeh falje në dënimin e krimeve kundër tij dhe gjenocidin e një populli mbi bazat raciste”, – shtoi kryeministri. 

voradmin

Misioni i Vora News është informimi i publikut duke u nisur nga disa kritere: depolitizimi, angazhimi për paanësi dhe ndershmëri do të jetë një kategori e re dhe e identifikueshme e gazetarisë ku qëllimi i saj është të sigurojë një analizë të saktë dhe të paanshme të deklaratave, në mënyrë që të korrigjojë perceptimet e gabuara tek audienca dhe të rrisë njohuritë e publikut mbi çështje e rendesishme te aktualitetit. Gazetaria drejt rikthimit tek misioni i saj!
Back to top button

Adblock Detected

Please consider supporting us by disabling your ad blocker