Aktualitet

Zjarri në garazh bllokon banorët e pallatit në Tiranë: Ja se si zjarrfikësi hero mundi të shpëtojë foshnjën 3-muajshe

Banorët e një pallati në zonën e Freskut kanë përjetuar tmerrin mëngjesin e sotëm, pasi ngelën të bllokuar nga tymi që shkaktoi një makinë e cila kishte marrë flakë në garazh.

Zjarrfikësit mundën të evakuonin në kohë banorët me anë të shkallëve.

Mësohet se janë djegur dy automjete, një “Range Rover”, e cila ka qenë vatra dhe një makinë tjetër.

Në bazë të informacioneve paraprake, mjeti ka marrë flakë për shkak të një shkëndije elektrike dhe nuk dihet akoma nëse ka qenë e qëllimshme.

Pasi banorët dolën të gjithë jashtë, pallati është mbuluar nga ngjyra e zezë e pluhurit dhe tymit.

Sipas zjarrfikëses nuk ka pasur valvula për të bërë të mundur shpërndarjen e tymit dhe ky ka qenë shkaku i bllokimit të të gjithë pallatit.

Njëri nga zjarrfikësit është kthyer në hero pasi shpëtoi foshnjën 3-muajsh bashkë me nënën, me anë të shkallëve të jashtme, pasi ata mbetën të bllokuar në pallat.

“Është 3 muajsh, kisha frikë më shumë, kishte tym, kisha frikë për fëmijët”, tha nëna e re.

“E ndjemë veten të rrezikuar se nuk ka shkallë emergjence”, tha një tjetër banor i pallatit.

“Hapa dritën e celularit edhe kalova ashtu mes tymit”, u shpreh një banore e pallatit që u mbulua nga tymi.

Tiranë/Informacion paraprak

Rreth orës 07:30, në rrugën “Fadil Deliu” ka rënë zjarr në garazhdin e një pallati. Sherbimet e zjarrëfikses dhe sherbimet e Policisë po bëjnë të mundur evakuimin e banorëve si dhe neutralizimin e zjarrit. Grupi hetimor ndodhet në vendngjarje dhe po punon për sqarimin e rrethanave të ngjarjes.

voradmin

Misioni i Vora News është informimi i publikut duke u nisur nga disa kritere: depolitizimi, angazhimi për paanësi dhe ndershmëri do të jetë një kategori e re dhe e identifikueshme e gazetarisë ku qëllimi i saj është të sigurojë një analizë të saktë dhe të paanshme të deklaratave, në mënyrë që të korrigjojë perceptimet e gabuara tek audienca dhe të rrisë njohuritë e publikut mbi çështje e rendesishme te aktualitetit. Gazetaria drejt rikthimit tek misioni i saj!
Back to top button

Adblock Detected

Please consider supporting us by disabling your ad blocker