Një magazinë me bazë ushqimore për bagëtitë, në pronësi të Pal Perlesit, është përfshirë nga flakët në fshatin Bilaj të Krujës.
Pas marrjes së njoftimit, në vendngjarje kanë mbërritur dy mjete zjarrfikëse dhe një autobot, të cilat po punojnë për shuarjen e zjarrit dhe vënien nën kontroll të situatës. Ndërhyrja paraqitet e vështirë për shkak të materialeve që ndodhen brenda magazinës, të cilat favorizojnë përhapjen dhe mbajtjen e flakëve.
Paralelisht me shuarjen e zjarrit, forcat zjarrfikëse po punojnë edhe për izolimin e vatrës, pasi në afërsi të magazinës ndodhet një banesë.Deri më tani nuk raportohet për persona të lënduar, ndërsa vijon ndërhyrja për neutralizimin e plotë të flakëve dhe mbrojtjen e banesës pranë magazinës.
