Mahmut Orhan, njëri prej artistëve muzikore më të njohur të Turqisë, do të jetë i pranishëm në Prishtinë më 4 korrik. Artisti ka fituar popullaritet të gjerë edhe jashtë kufijve turq, duke u bërë emër i spikatur në skenën ndërkombëtare të muzikës elektronike.
Stili i tij karakterizohet nga ndërthureja e ritmeve deep house dhe dance me elemente që i përkasin muzikës tradicionale të Lindjes së Mesme dhe Ballkanit. Kjo qasje origjinale i ka sjellë një identitet muzikor të dallueshëm mes shumë emrave të fushës.
Pika kthyese e karrierës së tij erdhi në vitin 2016, kur kënga Feel u kthye në hit global, duke grumbulluar qindra miliona dëgjime nëpër platformat kryesore të muzikës. Sipas Telegrafit, ky event pritet të tërheqë një numër të lartë të fansave në kryeqytetin e Kosovës.
Koncertit i Mahmut Orhan në Prishtinë do të jetë një nga ngjarjet muzikore ndërkombëtare të verës në Kosovë.
