Prokuroria e Posaçme Kundër Korrupsionit dhe Krimit të Organizuar (SPAK) ka nisur një hetim penal për dy vepra të rënda: abuzim me detyrën dhe shkelje të barazisë në procedurat e tenderimit. Vendimi u mor një ditë pas kontrollit të rezidencës së biznesmenin izraelito-amerikan Ron Yeffet dhe zyrave të drejtorit të kompanisë shtetërore KAYO, Ardi Veliu. Hetimi u iniciua kryesisht në bazë të disa regjistrimeve audio të publikuara nga ish-zëvendëskryeministri në arrati, Arben Ahmetaj.
Në regjistrimet e publikuara, Yeffet dëgjohet duke komunikuar me dy shtetas të huaj, të identifikuar me emrat Igor dhe Sergei. Sipas deklaratave të Ahmetajt, këto biseda lidhen me një skemë të dyshuar për trafikim armësh dhe municionesh nëpërmjet territorit shqiptar. Hetimet fokusohen gjithashtu në dyshimet se kompanitë e Yeffet kanë përfituar padrejtësisht nga zyrtarë shtetërorë në dhënien e kontratave publike.
BurimiAlbeu
