Meta ka njoftuar një ndryshim të rëndësishëm për platformën e saj të mesazheve, WhatsApp: së shpejti përdoruesit do të mund të komunikojnë mes tyre duke përdorur vetëm emrin e llogarisë, pa pasur nevojë të ndajnë numrin e telefonit.
Deri tani, për t'u lidhur me dikë të ri në WhatsApp, këmbimi i numrit të telefonit ishte i detyrueshëm. Ky kusht pritet të eliminohet me futjen e emrave të përdoruesit, funksion i cili konsiderohet si një hap i madh drejt mbrojtjes së privatësisë personale.
Kompania ka hapur tashmë mundësinë e rezervimit të emrit të preferuar, edhe para lançimit zyrtar të funksionit, i cili pritet të ndodhë gjatë këtij viti. Me mbi tre miliardë përdorues aktivë, WhatsApp mbetet platforma e mesazheve me enkriptim që ka bazën më të madhe në botë.
Funksioni i ri pritet të ndryshojë mënyrën se si njerëzit lidhen dhe komunikojnë në platformë duke garantuar më shumë kontroll mbi të dhënat personale.