Liverpool ka vënë në shënjestër Vinícius Júnior dhe po ndjek me vëmendje ecurinë e situatës së tij kontraktuale me Real Madridin. Klubi anglez shpreson të sigurojë yllin brazilian pa pagesë transferimi në verën e vitit 2027, nëse ylli brazilian dhe klubi madridist nuk arrijnë të gjejnë gjuhën e përbashkët për rinovimin e marrëveshjes aktuale.
Kontrata e Vinicius me kampionin e Spanjës skadon në qershor të vitit 2027, dhe sipas informacioneve që qarkullojnë nga Madridi, bisedimet për zgjatjen e saj kanë rënë në ngërç. Shkaku kryesor i mosmarrëveshjes është financiar: klubi dëshiron të ruajë skemat ekzistuese të pagave, ndërsa sulmuesi brazilian kërkon kushte që do ta rendisnin atë si futbollistin më të paguar brenda skuadrës.
Real Madridi mund ta shesë përpara skadimit
Drejtuesit e Realit po shqyrtojnë të gjitha skenarët. Nëse rinovimi nuk materializohet, klubi spanjoll mund të vendosë ta shesë Vinicius para skadimit të kontratës, me qëllim që të mos e humbasë pa asnjë kompensim financiar. Ky skenar do t'i hapte rrugën një lufte të vërtetë mes klubeve gjigante europiane për firmën e sulmuesit 24-vjeçar.
Liverpool, nga ana e tij, ndodhet aktualisht në fazën e vëzhgimit dhe nuk ka nisur ende negociata zyrtare me Realin apo me ekipin e lojtarit. Interesi i klubit nga Merseyside mbetet i heshtur për momentin, por prania e tij në garë tregon se ylli brazilian është i vlerësuar lart edhe jashtë Spanjës.
Profili i një sulmuesi botëror
Vinicius Jr është një ndër futbollistët më të kërkuar në botën e futbollit aktualisht. Fituesi i dy Ligave të Kampionëve me Realin dhe finalist i çmimit Balon d'Or, braziliani ka qenë prej vitesh zemra e sulmit madridist. Largimi i tij eventual nga Santiago Bernabeu do të ishte një nga transferimet më të mëdha të dekadës.
Verës e vitit 2027 janë ende larg, dhe shumë mund të ndryshojë deri atëherë. Megjithatë, fakti që Liverpool e ka identifikuar këtë mundësi tregon se klubi anglez po planifikon hapat e ardhshëm me kujdes. Ndërkohë, topi mbetet te Real Madridi dhe te Vinicius vetë, të cilët kanë kohë për të gjetur një zgjidhje që u përshtatet të dyja palëve.
BurimiTelegrafi Sport
