Familja e një punonjësi irlandez të Kombeve të Bashkuara, i cili humbi jetën në vitin 2019 në rrëzimin e një Boeing 737 Max në Etiopi, do të përfitojë 29 milionë dollarë dëmshpërblim.
Vendimi është marrë nga një gjykatë në Çikago të Shteteve të Bashkuara, pas padisë civile të ngritur nga e veja e tij, Naoise Connolly Ryan, kundër prodhuesit amerikan të avionëve Boeing.Avokatët e familjes e kanë cilësuar vendimin si “një masë të rëndësishme të llogaridhënies dhe drejtësisë”.
Nga ana tjetër, një zëdhënës i Boeing shprehu “keqardhje të thellë për të gjithë ata që humbën të dashurit e tyre”, duke shtuar se kompania “respekton” të drejtën e familjeve për të “ndjekur kërkesat e tyre”.Michael Ryan, baba i dy fëmijëve, jetonte në Cork dhe ishte me origjinë nga County Clare. Ai ishte mes 157 personave që humbën jetën në bordin e avionit të Ethiopian Airlines. Ryan punonte si inxhinier për Programin Botëror të Ushqimit të Kombeve të Bashkuara.
Avokati Steven C. Marks, i cili përfaqësoi vejushën e Ryan, tha se asnjë shumë parash nuk mund ta zëvendësojë jetën e humbur apo të zhbëjë dhimbjen e familjes.Ndërsa asnjë dëmshpërblim financiar nuk mund ta zëvendësojë kurrë një jetë ose të zhbëjë humbjen e thellë që ka përjetuar familja e tij, ne jemi mirënjohës që juria i shqyrtoi me kujdes provat dhe arriti në këtë vendim”, deklaroi ai.
Raporti paraprak për aksidentin, i hartuar nga Byroja e Hetimit të Aksidenteve të Avionëve të Etiopisë, vlerësoi se ngritja e avionit ishte dukur normale përpara se të ndodhte tragjedia.
