Sot Kryeministri Edi Rama, së bashku me ministret Belinda Balluku dhe Delina Ibrahimaj do të takohet me furnizuesit e naftës për pasojat e luftës në çmimet e karburantit dhe ndërhyrjen e drejtëpërdrejtë të qeverisë.
Takimi do të ndodhë në orën 09:00, siç u paralajmërua ditën e kaluar.
Dje, Rama tha se do të ulet në tryezë me furnizuesit e naftës të cilëve do u prezantojë masën e marrë dhe aktin normativ që do të futet menjëherë në fuqi.
“Nesër paradite në mëngjes, do të ulem në tryezë me të gjithë furnizuesit e naftës, i kemi thirrur të gjithë. Do t’i prezantojmë me masën e parë, me një akt normativ që hyn në fuqi menjëherë me forcën e ligjit që qeveria do të hyjë drejtpërdrejt në bordin kombëtar të furnizimit me karburant të shqiptarëve”,tha Rama.
Ditën e djeshme qytetarët shqiptarë protestuan kundër rritjes së çmimeve.
