55-vjeçari Luan Hushi nuk mundi t’i mbijetojë dot plagëve të marra pas të shtënave me armë zjarri. Ai u dërgua në spitalin ushtarak për ndihmë mjekësore. Fatkeqësisht ai ka ndërruar jetë.
Ai u qëllua me kallashnikov mëngjesin e kësaj të mërkure në fshatin Zgërdhesh të Krujës. Autori i ngjarjes dyshohet se është Klodjan Keqi. Ngjarja ka ndodhur pas një konflikti për motive të dobëta mes autorit dhe viktimës.
Dyshohet që sherri të ketë ndodhur për drutë e zjarrit. Krimi ka ndodhur në një zonë të pyllëzuar. Pasi qëlloi mbi Hushin, Keqi është larguar nga vendi i ngjarjes.
Mësohet se shërbime të shumta policie kanë shkuar në vendin e ngjarjes dhe janë vënë në kërkim të autorit. Ndërkohë po vijojnë hetimet për sqarimin e plotë të rrethanave të ngjarjes.
