“Bota përmbys”, kryeministri Rama ndan foton me ish-kryebashkiakun e Nju Jorkut: Ambasador i Shqipërisë së rilindur
Ish-kryebashkiaku i Nju Jorkut, Eric Adams pasi ka marrë nënshtetësinë shqiptare është regjistruar si banor i Tiranës.
Kreu i qeverisë, Edi Rama ka ndarë një foto së bashku me Adamas, ku e cilëson këtë si një moment domethënës për marrëdhëniet dhe imazhin e Shqipërisë në arenën ndërkombëtare.
Sipas Ramës, vizita e Adams në Shqipëri dhe përshtypjet pozitive për Tiranën kanë qenë vendimtare në këtë hap simbolik.
“Bota përmbys
Të ngrejë dorën kush e kishte imagjinuar ndonjëherë që kryetari i Bashkisë së Nju Jorkut do të kërkonte pasaportën shqiptare për t’u bërë edhe qytetar i Shqipërisë(?) Askush
Si? Pse? Sepse Eric Adams është një mik i madh i komunitetit shqiptar të Nju Jorkut dhe kishte premtuar ta vizitonte Shqipërinë përpara mbylljes së mandatit. Kur erdhi në Shqipëri, i pëlqeu aq shumë Tirana sa tha: A mund të bëhem qytetar i këtij Nju Jorku të vogël që kurrë s’e imagjinoja kaq tërheqës?
Dhe kështu kryetari i bashkisë më të famshme të botës, u bë me ligj e me zakon një ambasador i Shqipërisë së rilindur”, shkruan ai.
