Xhaçka u zgjodh ministre e Jashtme, Pompeo: Partnere e fortë, të zgjerojmë lidhjet SHBA-Shqipëri
Sekretari Amerikan i Shtetit Mike Pompeo ka përgëzuar përmes një mesazhi ministren Olta Xhaçkën, për detyrën e re që mori në postin e Ministres së unëve të Jashtme.
Pompeo tha se Xhaçka ka qenë një partnere e fortë në drejtimin e dikasterit të Mbrojtjes.
Ai shton se shpreson të punojë me të për të zgjeruar lidhjet SHBA-Shqipëri.
“Me kënaqësi të dëgjoj njoftimin e Olta Xhaçka si Ministrja e re e Jashtme e Shqipërisë. Ajo ka qenë një partnere e fortë në rolin e saj të mëparshëm si Ministre e Mbrojtjes dhe ne shpresojmë të punojmë me të për të zgjeruar lidhjet SHBA-Shqipëri ndërsa Shqipëria shkon drejt BE”, shkruan Pompeo.
Megjithatë, pas ndërrimit të viteve vetëm 20 ditë i kanë mbetur në detyrë Sekretarit Amerikan të Shtetit, sepse zgjedhjet Presidenciale janë fituar nga kundërshtarët e Republikanëve. Më 20 janar Presidenti i zgjedhur Joe Biden do të prezantojë ekipin e ri në Shtëpinë e Bardhë.
