Vapa e kësaj vere po përvëlon vende që shquhen për temperatura polare, e madje po u shkakton viktima të shumta.
Më e rëndë situata është në Kanada, ku këtë të premte autoritetet njoftuan si si pasojë e të nxehtit, kanë humbur jetën 486 persona.
Sipas mediave të huaja, numri më i lartë i të vdekurve është regjistruar në Vankuver, ku këtë javë u shënua rekordi historik prej 49.6 gradë celsius.
Statistikat tregojnë se vdekjet janë shtuar me gati 200% krahasuar me kushtet normale. Po ashtu si pasojë e të nxehtit janë hapur dhjetra vatra zjarri në të gjithë vendin.
Në Shtetet federale të Uashingtonit dhe Oregonit, numërohen 79 viktima gjatë këtyre ditëve, kur janë shënuar edhe nivele historike temperaturash deri në 50 gradë celsius. Edhe në Nju Jork, termometri ka shënuar këto ditë deri 41 gradë Celsius.
