Kërkim
Kërko në Vora News
Gjej artikujt që të interesojnë nga arkiva jonë.
30 rezultate për “krim”.
Ambasadori i ri i SHBA-ve në Shqipëri mund të konfirmohet para pushimeve të Senatit
Burime pranë Senatit amerikan i thanë Albanian Post se pritet miratimi i një pakete emërimesh diplomatike përpara ndërprerjes së punimeve në muajin gusht
Atentat me armë zjarri në Sarandë, 50-vjeçari Thimjo Rubati qëllohet — autorët arratisen me motor
Një 50-vjeçar u qëllua me armë zjarri mbrëmjen e sotme në lagjen nr. 4 të Sarandës. Autorët u larguan me motomjet.
SHBA dhe Irani shkëmbejnë sulme të reja, frika e përshkallëzimit rritet
Tensionet midis Washingtonit dhe Teheranit intensifikohen me sulme të ndërsjella dhe kërcënime të reja ekonomike nga Trump.
Ekzekutoi ish-vjehrrin dhe mori peng ish-të fejuarën në Roskovec, vetëvritet pas disa orësh negociata autori Refit Buzi
Ekzekutoi ish-vjehrrin dhe mori peng ish-të fejuarën në Roskovec, vetëvritet pas disa orësh negociata autori Refit BuziPasi kreu krimin e rëndë në banesën e familjes së ish-të fejuarës, 35-vjeçari mori me forcë të renë dhe u largua nga vendngjarja me një automjet. Ekipet e policisë dhe forcat e ndërhyrjes së shpejtë e lokalizuan mjetin e autorit dhe rrethuan zonën, duke nisur negociatat që zgjodhën plot katër orë për dorëzimin e tij të sigurt.Pavarësisht përpjekjeve të efektivëve për ta bindur që të dorëzohej, 35-vjeçari ka qëlluar veten brenda në makinë. Ekipet mjekësore dhe autoambulanca ndërhynë menjëherë në vendngjarje, por autori nuk mundi t’u mbijetonte plagëve. Nga sulmi i armatosur i 35-vjeçarit në banesën e ish-të fejuarës mbeti i vrarë në vend 55-vjeçari Arben Plaka, ish-vjehrri i autorit, ndërsa ish-vjehrra e tij mbeti e plagosur dhe po merr ndihmën mjekësore në spital.Pas ngjarjes, Policia e Fierit ka dalë me një njoftim zyrtar, duke konfirmuar vetëvrasjen dhe e çuar në dy numrin e viktimave të kësaj ngjarjeje të rëndë, që tronditi vendin ditën e sotme. “Roskovec, Fier/Informacion shtesë. Në vijim të informacionit paraprak për ngjarjen e rëndë kriminale të ndodhur në fshatin Vidhisht, Roskovec, ku shtetasi R. B., 35 vjeç, vrau me armë gjahu babanë e ish-të dashurës së tij, plagosi nënën e saj dhe mori peng ish-të dashurën, shtetasen R.P, ju informojmë se: Pas lirimit të saj falë veprimeve profesionale të Policisë, ekipi negociator i RENEA-s, në bashkëpunim me shërbimet e Drejtorisë Vendore të Policisë Fier, nën drejtimin e Prokurorit, vijoi negociatat me 35-vjeçarin, me qëllim bindjen e tij për t’u dorëzuar dhe për të shmangur përshkallëzimin e mëtejshëm të situatës.Pavarësisht negociatave intensive, të zhvilluara që prej orëve të para të mëngjesit, 35-vjeçari nuk iu bind thirrjeve të Policisë për t’u dorëzuar dhe, rreth orës 16:35, dyshohet se është vetëvrarë me armën e gjahut që mbante me vete, brenda automjetit. Grupi hetimor, nën drejtimin e Prokurorit, vijon veprimet për dokumentimin e plotë të rrethanave dhe shkaqeve të kësaj ngjarjeje të rëndë kriminale”, shkruan Policia.
Vrau ish-vjehrrin dhe plagosi ish-vjehrrën, zbardhet krimi në Roskovec, autori mori peng ish-partneren, Buzi: Më kanë marrë lekët
Vrau ish-vjehrrin dhe plagosi ish-vjehrrën, zbardhet krimi në Roskovec, autori mori peng ish-partneren, Buzi: Më kanë marrë lekëtNjë ngjarje e rëndë tronditi mëngjesin e kësaj të premteje fshatin Vidhishtë të Bashkisë Roskovec.Një 35-vjeçar, i njohur në fshat me emrin Nertil Buzi, shkoi në banesën e ish-të fejuarës së tij, ku qëlloi me armë zjarri ndaj familjarëve të saj. Si pasojë mbeti i vrarë ish-vjehrri i tij, 55-vjeçari Arben Plaka, ndërsa ish-vjehrra mbeti e plagosur. Pas ngjarjes, autori mori me forcë ish-të fejuarën dhe u largua nga vendi i ngjarjes. Sipas informacioneve paraprake, e reja kishte qenë prej kohësh objekt i kërcënimeve nga 35-vjeçari. Ajo vazhdonte studimet për mjekësi në Tiranë, ku, sipas burimeve, autori kishte shkuar disa herë për ta kërcënuar. Për këto episode ai ishte shoqëruar dhe arrestuar më parë nga policia, por konflikti mes tyre kishte vijuar.Ngjarja kulmoi rreth orës 05:00 të mëngjesit, kur 35-vjeçari hyri në banesën e familjes Plaka, ekzekutoi me armë zjarri Arben Plaka, plagosi bashkëshorten e tij dhe më pas mori peng ish-të fejuarën, duke u larguar nga zona.
Gjykata rrëzon kërkesën e Veliajt për Ols Dadon, kryebashkiaku: Dikush ka veshur uniformën e shtetit dhe më ka rrëmbyer
Gjykata rrëzon kërkesën e Veliajt për Ols Dadon, kryebashkiaku: Dikush ka veshur uniformën e shtetit dhe më ka rrëmbyerGjykata Adminsitrative ka rrëzuar kërkesën e kryebashkiakut Erion Veliaj për çështjen e emërimit të Ols Dados si prokuror. Në vendim, gjykata u shpreh se Veliaj nuk ka interes të drejtpërdrejtë, por të tërthortë dhe çështja nuk merret në shqyrtim. Gjykata refuzoi gjithashtu edhe kërkesën e pranimit si palë të ish-prokurorit Tom Deda dhe gjithashtu të Asociacionit për Media e Drejtësi. “Dihej, por shyqyr e mori vesh mileti”, mësohet të jetë shprehur kryebashkiaku pas shqiptimit të vendimit. “E pritshme!”, ishte reagimi më i parë i avokatit Plarent Ndreca pas shpalljes së vendimit. “Ishte test për sistemin sesa ka aftësinë për të vetëkorrigjuar problematikat që ka. Dado nuk është emëruar në mënyrë të ligjshme. Ai nuk ka thënë që jam prokuror i emëruar në mënyrë të ligjshme. Sistemi nuk e tregoi aftësinë për t’u vetëkorrigjuar. Nuk ka problem më të rëndë sesa emërimi i një prokurori që ushtron funksionin në mënyrë të paligjshme. Është një e vërtetë që do e ndjekim deri në fund. Kjo lidhet me sistemin e drejtësisë dhe aftësinë e tij që të tregojë vetveten. U tregua korporatizmi gjyqësor”, tha Ndreca për mediat. Në vijim, avokati tha se çështja do të ndiqet në Apel. “Do të shkojmë në Apel me të pasur vendimin e zbardhur nga gjykata. Do e fitojmë këtë çështje”, tha Ndreca. Në gjyq, Veliaj tha se Dado veshi uniformën e shtetit dhe e rrëmbeu. Ai kërkon që gjykata të kthejë besimin te drejtësia duke e cilësuar si peshë të institucionit. Veliaj: Është evidente që po krijohet asimetri një palë po i shtohet interesi publik ndërkohë të paditurve të tjerë po i largohen. Ka dy arsye: ose KLP nuk tregon respekt për këtë gjykatë ose KLP ka kuptuar që Ols Dado nuk është prokuror. Vendimet e gjykatës Kushtetuese konfirmuan se mandati i kryetarit të bashkisë nuk mund të trajtohet si plaçkë. Në rastin tim dikush ka veshur uniformën e shtetit dhe më ka rrëmbyer. Besoj se pesha e kësaj gjykate është të kthejë besimin te drejtësia. Nëse dikush do vishet si polic apo prokuror dhe do bëhet pjesë e këtij teatri merr në qafë një qytet të tërë. Pra kërkoj të pranohet kërkesa e shoqatës. Sipas përfaqësuesve të shoqatës, çështja ka interes publik dhe lidhet me integritetin e sistemit të drejtësisë, një nga objektivat kryesore të veprimtarisë së kësaj shoqate. Shoqata zbuloi se prokurori Dado ka qenë pjesë e hetimit për vrasjet në bulevard, para kryeministrisë së udhëhequr nga Sali Berisha në 2011-ën. Sipas tyre, mënyra si është hetuar 21 janari, me përfshirjen edhe të Dados, lidhet drejtpërdrejt me kriteret dhe rrethanat e emërimit të tij si prokuror në shkelje të ligjit. Avokati i Ols Dados: Kemi një akt administrativ individual, provat që u dorëzuan nga avokati i shoqatës janë fletëhirrje që Gjykata Administrative e ka njoftuar për çështjen e cila ndodhej në fazën parapake. Në kërkojmë që të rrëzohet kërkesa e shoqatës për ndërhyrje kryesore. Gjykata: Këto kërkesa janë të fazës përgatitore dhe në fund gjykata do të shprehet për çdo kërkesë ose do vendosë që ta kalojë çështjen për gjykim. Ndërkohë një ngjarje e çuditshme ndodhi në sallë pasi është paraqitur një zonjë e cila është ka bërë kërkesa që të vijë në sallë si përfaqësuese e Veliajt. Rezulton që zonja nuk ka as licencë avokatie. Asnjëra nga palët nuk e njeh zonjën. Gjykata theksoi që do të referojë çështjen në organet kompetente. Veliaj: Kemi dy elementë kryesorë, KLP nuk vjen dhe po ashtu gënjen. Kemi dhe rastin e ILD-së. Ku e adresoj unë faktin qe prokurori është ndërtues në bashkinë e Tiranës kur ai thotë që kafazi është si hotel me 5 yje ku duhet ta adresoj unë këtë shqetësim. Gjykata: ILD merr vendime dhe masa për magjistratët që kryejnë shkelje të ligjit gjatë kohës që ushtrojnë detyrën. Vendimet e konfliktet e interesit që ti ke pasur me prokurorin, godet veprimtarinë e tij në ILD. Nëse nga ILD nuk keni vendim duhet ta godisni vendimin e tyre në Këshill nëse nuk jeni dakord me vendimin e Këshillit, vendimarrja goditet në Gjykatën Administrative të Apelit. Ndreca: Ne kërkojmë që ju si gjykatë t’i drejtoheni KLP me kërkesë për vendimin. Gjykata rrëzoi kërkesën për t’iu drejtuar KLP për pjesën e urdhrit për të marrë vendim. Gjykata thekson se ka një kërkesë për ndërhyrje kryesore në gjykim edhe nga Tom Deda, ish-prokuror. Seanca u ndërpre për 20 minuta për të shqyrtuar kërkesën dhe në rinisje, është i pranishëm edhe vetë ish-prokurori. Në pretendimet e tij, Deda thotë se emërimi i Dados përkon me shkarkimin e tij, duke u shprehur “jam hequr unë që i është hapur vendi Ols Dados”, teksa më pas thotë se ai po ekspozon “skemën e kundraligjshme të emërimit e shkarkimit të prokurorëve.” Deda: Mënyra e largimit dhe shkarkimit tim duhej të hapej një vend dhe të emrohej dikush tjetër. Ata duhej të më shkarkonin mua dhe të emërohej Ols Dado. Por përkon periudha kohore. Gjykata: Çfarë interesi ke ti nga ky gjykim? Cili është interesi yt i drejtpërdrejtë? Deda: Ina Rama më ka shkarkuar për një qëllim kriminal. Në momentin që do shkarkohet Ols Dado unë do të bëj një kërkesë për dëmshpërblim sepse mesa duket më kanë shkarkuar mua për të emëruar Dadon. Procedura ka nisur në shtator 2008 dhe ka përfunduar në tetor 2009. Më pas unë fitova të drejtën në Gjykatën e Lartë dhe jam rikthyer në 2013. Ata janë një organizatë kriminale së bashku me Ina Ramën. Kryebashkiaku Veliaj kërkoi që të legjitimohet kërkesa e ish-prokurorit Deda pasi sipas tij, ka shqetësim real për “rrëmbimin” e kryebashkiakut të Tiranës. Avokati i Dados thotë se emërimi është bërë një vit përpara shkarkimit të Dedës, ndaj kërkon rrëzimin. Kryetari i Tiranës shprehet se Dado sillet si bandit dhe nuk e ka mbaruar Magjistraturën. Veliaj: Për çdo qytetar të bashkisë së Tiranës që është shqetësuar për rrëmbimin e kryetarit të bashkisë së Tiranës. Po ashtu duhet të legjitimohet pasi ky shtetas thekson se Ols Dado është paguar për të rrëmbyer Erion Veliajn. Pasi ai thekson se ai u paguaka dhe ka shtëpi në Pogradec dhe ka biznes imobiliar që jep e shet prona. Si kryetar i bashkisë unë kërkoj që të legjitimohet. Gjykata pyet Tom Dedën nëse ke bërë kallëzim për këtë fakt. Deda: Në kohën e Ina Ramës ajo prokurori ka funkionuar vetëm me lekë, në atë kohe e dinë të gjithë që Bamir Topi dhe Ina Rama i bënin emërimet me lekë. Këta njerëz janë në punë dhe janë kamikazë të frikshëm. Gjykata e Lartë e dha vendimin në 2011 dhe ajo gjente justifikime se nuk kam vend në organikë. Ajo duhet të hiqte dikë për të marrë një tjetër në pune. Unë të dhënat i kam marrë nga shtypi për Ols Dadon dhe jam duke bërë një kallëzim prej 40 faqesh. Avokati Erarb Almadhi: Akti i emërimit të Ols Dados është një vit përpara se të shkarkohej pala kërkuese. Një vit pas emërimi të Ols Dados është shkarkuar zotëria. Të mos pranohet padia dhe të orientojë palët për padi të reja. Presidenca: Subjekti nuk ka asnjë lloj interesi për të marrë pjesë në këtë gjykim. Ndreca: Ne u qëndrojmë argumentave dhe padia i ka plotësuar kërkesat formale për t’u legjitimuar. Veliaj: Nëse Dado do kishte sjellë dëftesat e Magjistraturës, do e kishim mbaruar këtë histori. Ai nuk ka mbaruar magjistraturën dhe ai nuk duhet të jetë prokuror. Ai ka veshur kostumin e prokurorit dhe sillet si bandit që rrëmben qytetarët. Mbrojtja e Dados: Nuk ka asnjë fakt, s’ka asnjë pasojë, Veliaj nëse ka pretendime për prokurorin, t’i paraqesë në GJKKO, nëse do të legjitimohej kërkesa e Veliajt atëherë do të kthehej në precedent për rastet e tjera dhe do rrëzoheshin institucionet dhe do çonte në anarki në institucione.
Arrestohet 43-vjeçari në Bërxullë, Policia i gjen pistoletë dhe municion në banesë
Një 43-vjeçar është vënë në pranga nga Policia e Tiranës pasi u kap duke mbajtur pa leje armë zjarri dhe municion në banesën e tij në fshatin Bërxullë. Arrestimi u krye në kuadër të operacionit të koduar “Risku”, me qëllim identifikimin dhe kapjen e personave të armatosur që mund të përbëjnë rrezik për përfshirje në ngjarje kriminale. Gjatë kontrollit të ushtruar në banesën e shtetasit J. K., 43 vjeç, në zbatim të vendimit të Gjykatës, efektivët e policisë gjetën dhe sekuestruan një pistoletë me krehër dhe 7 fishekë, të cilat posedoheshin pa dokumentacionin përkatës. Për këtë arsye, 43-vjeçari u arrestua në flagrancë dhe ndaj tij vijojnë procedurat për veprën penale “Mbajtja pa leje dhe prodhimi i armëve, armëve shpërthyese dhe i municionit”. Materialet e çështjes i janë referuar Prokurorisë së Tiranës për hetime të mëtejshme, ndërsa kontrollet dhe verifikimet nga autoritetet vijojnë.
Mandati i prokurorëve të SPAK, Gogu frenon Manjën: Duhet vlerësim i partnerëve, SHBA dhe B
Rikandidimi për një mandat të dytë të prokurorëve të SPAK është në dorë të partnerëve garantë të Reformës në Drejtësi, shpjegoi ministri Toni Gogu, pavarësisht gatishmërisë së kolegut të tij të partisë, Ulsi Manja, për të ndryshuar Kushtetutën. “Mandati i tyre është i garantuar në aneksin e Kushtetutës, që do të thotë se ka nevojë për vlerësim jashtëzakonisht të kujdesshëm, jo vetëm nga ata vetë, nga institucionet përkatëse siç është Kuvendi, por edhe Komisioni Europian, me të cilin ne po partnerizojmë, dhe SHBA, të cilët i kemi pasur partnerë strategjikë në reformën në drejtësi”, tha Gogu. Deklaratën e bëri në konferencën për mediet, ku gjykatave që vijojnë të ankohen për numrin e lartë të dosjeve të prapambetura, u kërkoi të mësojnë nga kolegët e shkallës së lartë. “Na tregoi se reduktimi i çështjeve në 60% është i mundshëm, pra nuk mund të kënaqemi me zbritjen në 1%, 2%… Ka filluar trendi i rënies së çështjeve të mbartura, por duhet të shkojmë me plan konkret dhe KLGJ është duke punuar për këtë”, vijoi ai. I pyetur pse Ministria e Drejtësisë nuk bën më shumë lidhur me noterët që ndihmojnë pastrimin e parave, topin e kaloi te gjyqësori. “Ka pasur raste edhe kur gjykata ka vendosur të rikthejë një noter, të cilit i ishte pezulluar licenca nga Ministria e Drejtësisë”. Toni Gogu ishte live kur doli lajmi se Laert Haxhisë, të dënuar me burgim të përjetshëm, i ishte sekuestruar përsëri një telefon në burgun e sigurisë së lartë të Drenovës. Kjo nxiti pyetjen përse personazhe të tilla nuk kalojnë në regjimin më të rreptë 41-bis. “41-bis është kompetencë e Prokurorisë dhe e gjykatës që të mundet të kërkojnë vendosjen… ju e quajtët popullim të atyre personave, pasi u kufizohet liria në mënyrë edhe më ekstreme”. Ministri nuk komentoi lidhur me pyetjen përse këto telefona që u sekuestrohen eksponentëve të krimit në burgje, dërgohen përmes BKH-së për ekspertizë në SPAK www.voranews.al
Kosova kallëzon penalisht ministren serbe Paunoviq për thirrje ndaj spastrimit etnik
Ministrja Donika Gërvalla ka dorëzuar kallëzim penal ndaj ministres serbe Snezhana Paunoviq pas deklaratave skandaloze mbi spastrimin etnik të Kosovës.
LDK mblidhet për krizën interne: Manaj kërkon urgjencë për Kuvend të Jashtëzakonshëm
Kryesia e LDK-së u mblodh të enjten mes krizës politike brenda partisë, pasi u dorëzuan nënshkrimet për thirrjen e Kuvendit të jashtëzakonshëm.
Kosovë: Abdixhiku pezullon bisedimet për koalicion mes krizës brenda LDK-së
Lumir Abdixhiku njoftoi pezullimin e negociatave me Vetëvendosjen pasi dy zyrtarë të partisë dorëzuan kërkesë formale për votëbesim ndaj tij.
LDK: Kuvendi i jashtëzakonshëm për shkarkimin e Abdixhikut mbahet para 7 gushtit
Anëtari i kryesisë së LDK-së, Shkëmb Manaj, thotë se kuvendi i jashtëzakonshëm do të mbahet para datës 7 gusht.
Behrami: Gjykata Speciale u ndërtua mbi narrativat e aparatit shtetëror serb
Artan Behrami thotë se procesi gjyqësor ndaj ish-krerëve të UÇK-së mbështetet në materiale të prodhura nga aparati shtetëror i Beogradit.
Nufi dënon deklaratën e ministres serbe: Është në nderin e Serbisë të distancohet prej saj
Ministri i Mbrojtjes, Ermal Nufi, ka reaguar ashpër ndaj deklaratës së ministres serbe të Administratës Shtetërore dhe Vetëqeverisjes Lokale, Snezhana Paunoviq, e cila, duke folur për Kosovën, u shpreh se nëse do të kishte qenë në krye të shtetit në vitin 1998, do t’i kishte “spastruar etnikisht shqiptarët”. Nufi e cilësoi deklaratën skandaloze dhe të papranueshme, duke theksuar se çdo relativizim apo referencë ndaj spastrimit etnik dhe krimeve të kryera gjatë luftërave në Kosovë dhe Bosnje e Hercegovinë është i papranueshëm dhe cenon kujtesën e viktimave. Nufi tha se qeveria serbe duhet të distancohet prej këtyre deklaratave dhe ta denoncojë atë ministre, retorikat e të cilës nuk i shërbejnë fqinjësisë së mirë. “Deklarata është skandaloze, e papranueshme dhe çdo koment tjetër është i pavend. Ajo deklaratë është dënuar edhe në Serbi, nga ata që nuk bëjnë pjesë te ultranacionalistët, të cilët kanë shprehur reagimin e tyre. Çdo deklaratë që lidhet me spastrimin etnik apo me një periudhë mjaft të errët të asaj që ka ndodhur në Kosovë apo në Bosnje e Hercegovinë është e papranueshme. Është në nderin e atyre që e kanë në krah atë ministre serbe që ta denoncojnë dhe të distancohen prej saj”, tha Nufi.
Abdixhiku paralajmëron: Lufta për karrige mund t'i kushtojë shtrenjtë LDK-së
Abdixhiku reagoi ndaj nismës brenda LDK-së për rishikim të udhëheqjes, duke paralajmëruar pasoja të rënda politike për vendin.
Krizë në LDK: Abdixhiku pezullon negociatat me LVV-në pas nismës për shkarkimin e tij
Lumir Abdixhiku njoftoi pezullimin e bisedimeve me LVV-në për formimin e institucioneve, pasi brenda LDK-së nisi nisma zyrtare për shkarkimin e tij.
Gjykata Supreme i ul dënimin Edmond Lajçit: Nga burgim i përjetshëm në 30 vjet
Gjykata Supreme e Kosovës vendosi të ulë dënimin ndaj Edmond Lajçit, nga burgim i përjetshëm në 30 vjet, për vrasjen e bashkëshortes së tij në Pejë.
Gërvalla kallëzon penalisht ministren serbe që dëshiroi spastrimin etnik të Kosovës
Donika Gërvalla ka depozituar kallëzim penal ndaj ministres serbe Snezhana Paunoviq, e cila deklaroi se do ta kishte kryer spastrimin etnik të Kosovës.
Gara për postet kyçe në Policinë e Shtetit, zbulohen 9 kandidatët, Nallbati largohet
Pas hapjes së garës nga kryepolici Skënder Hita për drejtuesit në tre departamentet e rëndësishme në Policinë e Shtetit, dalin emrat e nëntë aplikantëve. Me gradën e detyrueshme drejtues, konkurrimi përfshin departamentet e Policisë Kriminale, të Marrëdhënieve ndërkombëtare si dhe atë Kufirit dhe Migracionit. Në listën e aplikantëve janë emra të njohur të bluve si drejtori aktual i Marrëdhënieve Ndërkombëtare, Drejtues i Lartë Pëllumb Seferi. Gjithashtu aplikon edhe oficeri me karrierë të gjatë në polici, Lorenc Panganika, drejtori akutal i Kufirit Saimir Muça, Artan Barjaktari, Idajet Faskaj, Lutfi Minxhozi, Ferdinand Mara, Hergis Jica dhe drejtori aktual i Operacionales Alban Dautaj. Ndërkohë drejtuesi aktual i departamentit të Policisë Kriminale që cilësohet si numri dy në Polici, Neritan Nallbati nuk ka aplikuar duke konfirmuar largimin e tij. Ai drejtoi departamentin e Policisë Kriminale që nga 1 gushti i vitit 2022. Kriminalja që përbën një nga departamentet më të rëndësishme në Polici pritet të drejtohet nga një emër i ri, ku kandidatët më potencialë janë Lorenc Panganika dhe Alban Dautaj, të dy oficerë më karrierë të gjatë në polici. Ndërkohë pas përfundimit të aplikimeve do të nisë edhe konkursi, ku në përfundim do të bëhet edhe pikëzimi i kandidatëve, ku tre më të vlerësuarit do të shpallen fitues dhe më pas kryepolici Hita do të vendosë emrat për secilin department, që më pas do t’ia propozojë ministrit Lamallarit, i cili është i fundit që hedh firmën.
Kongresisti Torres: Paunoviqi duhet të japë dorëheqje, deklarata e saj është gjendocid i hapur
Kongresisti amerikan Ritchie Torres dënon ashpër qëndrimin e ministres serbe Paunoviqi dhe mbështet vendimin e Kosovës për ta shpallur non grata.
Bosnja kriminalizon flamurin e luftës: Republika Srpska godet simbolet boshnjake
Republika Srpska ka kriminalizuar flamurin e luftës boshnjake, në një lëvizje që cilësohet si përpjekje për të rishkruar historinë e luftës në Bosnjë.
OSBE: Kosova përballet me sfida serioze në gjykimin e krimeve të luftës
OSBE publikoi një raport të detajuar mbi gjykimin e krimeve të luftës në Kosovë, duke identifikuar pengesa strukturore dhe operacionale që cenojnë drejtësinë.
Paratë e drogës deformojnë politikën dhe varfërojnë shqiptarët
Rritja e parave të pista që hyjnë në ekonominë shqiptare po dëmton politikën, kursin e monedhës dhe mirëqenien e qytetarëve.
Veterani Agim Pllashniku falënderon shqiptarët në Zarë: Mikpritja juaj dëshmoi se ideali i UÇK-së jeton ende
uck kosova kroaci
Gjykata e Prishtinës dënon boshnjakun Bajrovic me 12 vjet burg për krime lufte
Gjykata Themelore e Prishtinës dënoi sërish Ekrem Bajrovicin, anëtar i forcave serbe gjatë luftës, për krime lufte ndaj civilëve shqiptarë.
Avokati Cakrani ndërpret mbrojtjen e Ilir Metës: 'Ka humbur mirëbesimi'
Avokati Kujtim Cakrani njoftoi sot ndërprerjen e përfaqësimit ligjor të Ilir Metës, duke cituar humbjen e mirëbesimit reciprok.
SPAK lëshon 20 urdhëra arresti dhe sekuestron mbi 100 milionë euro pasuri
SPAK ka lëshuar 20 urdhëra arresti dhe ka sekuestruar mbi 100 milionë euro pasuri, si pjesë e hetimeve për pastrim parash nga droga në sektorin e ndërtimit.
Gjykata e Prishtinës burg paraburgim për pesë serbë për masakrën e Reçakut
Gjykata Themelore e Prishtinës vendosi paraburgim 30-ditor për pesë shtetas serbë, të akuzuar për masakrën e Reçakut të janarit 1999.
Radoiçiqi shfaqet hapur në tubimin e Vuçiqit — i lirë pas sulmit të Banjskës
Milan Radoiçiqi, që mori përgjegjësinë për sulmin e armatosur në Banjskë, u pa haptazi në tubimin e Vuçiqit në Beograd.
Vuçiq mbron Radoiçiqin e Veselinoviqin: 'Nuk ndiqen penalisht për vepra kriminale'
Vuçiq del sërish në mbrojtje të dy figurave të akuzuara, duke minimizuar ndjekjen penale ndaj tyre pas takimeve të konfirmuara në Beograd.