Një ngjarje e rëndë ka ndodhur pasditen e sotme në liqenin e Shkodrës. Rreth orës 16:32, kapiteni i një anijeje turistike, shtetasi A. A., 51 vjeç, dyshohet se është mbytur teksa po përpiqej të shpëtonte dy turistë që kishin rënë në ujë.
Fatmirësisht, turistët janë shpëtuar dhe ndodhen në gjendje të mirë shëndetësore.
Menjëherë pas ngjarjes, në vend kanë mbërritur shërbimet e Policisë dhe grupet e kërkim-shpëtimit, të cilat po vijojnë punën për të gjetur trupin e kapitenit.
Grupi hetimor është në vendngjarje dhe po punon për të sqaruar rrethanat e plota të kësaj ngjarjeje tragjike.
