Pas tërmetit që goditi sot Kroacinë, Kryeministri Edi Rama ka reaguar përmes një reagimi në Twitter.
“U kam përcjellë sot shprehjen e solidaritetit vëllazëror Presidentit Milanoviç&Kryeministrit Plenkoviç, për fatkeqësinë mbi qytetin Petrinja! Shqipëria i është pranë me zemër Kroacisë mike e do të japë ndihmën e saj modeste për shërimin e plagës së hapur nga tërmeti i fortë”, tha Rama në mesazhin e tij.
Tërmeti me madhësi 6.4 la pas dëme të mëdha materiale, si dhe të plagosur të shumtë.
Deri tani raportohen edhe për dy viktima, një vajzë e mitur si dhe një djalë.
