Zbulohet qendra e PD ku “prodhohen” komentet propagandistike dhe sharjet në rrjetet sociale, ja ku ndodhet dhe kush i drejton punonjësit
Propaganda është një pjesë e rëndësishme e të bërit politikë, ndërkohë që gjatë fushatave elektorale bëhet edhe më e rëndësishme.
Shpesh në media thuhet se partitë politike kanë qendrat e tyre, ku të rinj mbështetës të këtyre partive “bombardojnë” me komente në rrjete sociale llogaritë e politikanëve, qofshin këta kundërshtarë ose jo.
Edhe Partia Demokratike e ka një qendër të tillë, raporton CAN, e krijuar në vitin 2011 nga Lulzim Basha, dhe që në atë kohë drejtohej nga Erion Isufi, kunati i kryedemokratit.
Tashmë që jemi edhe në kohë fushate, kjo qendër ka filluar të përdoret rregullisht, pasi në të janë të punësuar 30 të rinj që punojnë me 2 turne nga 4 deri në 5 orë.
Këta punonjës me profile fallco në rrjetet sociale sulmojnë me komente, madje edhe fyejnë dhe shajnë kondërshtarët politikë, ndërsa në profilet e demokratëve komentojnë pozitivisht.
Zyra ndodhet në katin e dytë të selisë së Partisë Demokratike dhe është nën komandën e Endri Hasës, ndërkohë që është Odeta Male, një nga bashkëpunëtoret më të ngushta të kunatit të Bashës Erion Isufi, ajo që u jep drejtimin të rinjve duke i thënë se cilët personazhe duhen sulmuar.
Sipas CNA, në stafin drejtues të kësaj qendre është edhe Desada Metaj, e cila qëndron edhe si si koordinatore me grupin e konsulentëve izraelitë që po përpiqen të ndërtojnë imazhin e liderit për Bashën, ndërsa e treta është Elona Meço, ish-gazetare që sot drejton zyrën e shtypit.
Zyra që në fakt për menaxhere ka tre vajzat e imazhit e propagandës, ka në dispozicion me qinda profile false në rrjetet sociale, kontrollon shumë grupe në këto rrjete, komunikon e çon mesazhet në grupet e tjera digjitale të opozitës.
