Ndërroi jetë mes flakëve, Rama i dorëzon titullin ‘Dëshmor i Atdheut’ babait të Arjan Salës
Tiranë- Kryeministri Edi Rama i ka dorëzuar titullin “Dëshmor i Atdheut babait të Arjan Salës, heroit 32-vjeçar që shpëtoi 20 punonjës duke e vetëflijuar në magazinën që u përfshi nga flakët për tre ditë me radhë.
Arjan Sala, heroi i ditëve të fundit, mbeti mes flakëve për të shpëtuar kolegët. 32-vjeçari, prej 5 vitesh punonte në këtë qendër tregtare si punonjës i sigurisë. Nga kolegët, ai njihej si një person tepër korrekt dhe i sjellshëm.
Ekspertiza paraprake ka treguar se zjarri i fuqishëm në magazinën e qendrës tregtare te kthesa e Kamzës është shkaktuar nga një shkëndijë elektrike në një tel rrymë përcjellës që lidhej me një ndriçues. Sipas grupit hetimor, shkëndijat kanë rënë mbi materialet që ndodhen aty, si rroba e produkte të tjera lehtësisht të djegshme.
