Komisioni i Rithemelimit bën me dije se, prej orës 08:00, janë hapur të gjitha qendrat e votimit ku do të votohet për zgjedhjen e kandidatëve që do të garojnë për kryetar bashkie në Shkodër, Durrës, Dibër,Lushnje, Rrogozhinë dhe Vorë.
Votimi ka nisur i qetë dhe pa probleme. Komisioni i Rithemelimit fton çdo anëtar të PD të ushtrojë të drejtën e votës, për të zgjedhur përfaqësuesin e tyre në garën për kryetar bashkie.
“Komisioni i Organizimit dhe Kontrollit të Operacioneve Elektorale pranë Partisë Demokratike (PD) informon:
Të 9 Qendrat e Votimit (3 QV në Shkodër, 2 QV në Durrës, 1 QV në Dibër, 1 QV në Lushnjë, 1 QV në Rrogozhinë dhe 1 QV në Vorë) janë hapur në orën 8.
Procesi i votimit ka nisur i qetë e pa probleme.
Komisioni i Organizimit dhe Kontrollit të Operacioneve Elektorale fton cdo anëtar të PD në 6 degët e PD ku po zhvillohet procesi i votimit për Primare, të ushtrojë të drejtën e votës për të zgjedhur përfaqësuesin e tyre në garën për kryetar bashkie. Primaret, si ushtrim i demokracisë së drejtpërdrejtë tashmë e kalojne vendimmarrjen te anëtarësia.
Komisioni do të informojë në mënyrë periodike publikun në lidhje me ecurinë e procesit të votimit për Primare”, thuhet në njoftim.
