Partia Demokratike nuk ka zyrtarizuar ende kandidatët për zgjedhjet e 6 Marsit në 6 bashki të vendit. Kreu i PD Lulzim Basha ka takuar këtë të mërkurë drejtuesit politikë në Shkodër dhe Dibër, për të folur në lidhje me emrat e mundshëm të kandidatëve. Deri më tani dy bashki kanë propozuar emrat për zgjedhjet vendore: Luan Hoti për bashkinë e Durrësit dhe Ferdinand Saraçi për Bashkinë e Rrogozhinës.
Ndërkohë pas konsultimit dhe marrjes së vendimit me strukturat e degëve ku do të zhvillohen zgjedhjet, kryedemokrati Basha, do të mbledhë Kryesinë e partisë për miratimin e emrave që do të futen në garë për kryetar bashkie.
Kujtojmë se zgjedhjet e pjesshme do të mbahen më 6 Mars, në 6 bashki të vendit, ku qytetarët do të votojnë për kryetarin e Bashkisë së tyre:
-Bashkia e Durrësit
-Bashkia e Shkodrës
-Bashkia e Dibrës
-Bashkia e Vorës
-Bashkia e Lushnjës
-Bashkia e Rrogozhinës
