Grabitet mjeti në mesnatë në Lushnje. Mësohet se pronari i makinës ka qenë duke qëndruar në vendin e njohur si “pushimi i shoferit” në këtë qytet në momentin kur tre persona i janë afruar.
Ata e kanë nxjerrë me forcë nga makina, i kanë marrë mjetin dhe janë larguar. Grabitësit janë ende të paidentifikuar.
Policia ka ngritur grupe kontrolli dhe po studion pamjet filmike të kamerave të sigurisë së zonës për të kuptuar se kush fshihet pas kësaj ngjarjeje.
Kontrolle po ushtrohen edhe në Elbasan ku dyshohet se janë larguar grabitësit bashkë me mjetin e vjedhur.
