Rezultati i zgjedhjeve të 14 Majit, për Bashkitë e Vorës, Kamzës dhe Elbasanit do të jetë gati për 30 minuta nga mbyllja e orarit zyrtar të votimit.
Në sajë të votimit elektronik, rezultati në këto zgjedhje do të mësohet shpejt, ndërsa kryekomisioneri shtetëror Ilirjan Celibashi dha garanci për sigurinë dhe fshehtësinë e votës.
“Askush nuk ka mundësi që të verifikojë se për kë është votuar. Është e garantuar siguria dhe fshehtësia e votës.
Ne synojmë që brenda 30 minutave nga mbyllja e procesit, të kemi rezultatet paraprake për Elbasanin, Vorën dhe Kamzën, ky është një projekt i ri dhe për ne. Për disa qendra votimi në Elbasan, mund të kemi një vonesë, për shkak të mbulimit me valë telefonike, por besoj se do të gjejmë mundësi edhe për këtë pjesë”, tha Celibashi.
