VIDEO/ Rama: Poligoni i parë publik në Fushë-Prezë për të gjithë drejtuesit e rinj të mjeteve

Kryeministri Edi Rama në një postim në Facebook, e ka nisur me pamje nga poligoni i parë publik që po ngrihet në Fushë-Prezë.

Ai tregon se kjo do shërbejë për të gjithë drejtuesit e rinj të mjeteve që do marrin patentën, por edhe për aktivitete edukative.

“MIRËMËNGJES dhe nga puna për poligonin e parë publik që po ngrihet në Fushë-Prezë, një hapësirë prej 6 mijë m2, e cila do të shërbejë për orët e praktikës për të gjithë drejtuesit e rinj të mjeteve që pritet të marrin rishtazi patentat, por edhe për aktivitete shtesë edukative që kanë të bëjnë me digjitalizimin dhe sigurinë rrugore, ju uroj një ditë të mbarë”,-shkruan Rama.