Moti i keq/Ministri Taulant Balla: Apel për vendosjen e zinxhirëve dhe zbatimin e udhëzimeve të dhëna

Ministri i Brendshëm, Taulant Balla ka reaguar në lidhje me situatën e përkeqësuar të motit në disa qarqe të vendit, ku lëvizja e automjeteve është vështirësuar nga bora e dendur.

Balla shprehet se Shërbimet e Policisë Rrugore dhe Patrullat e Përgjithshme kanë dhënë ndihmën deri më tani 21 drejtuesve të automjeteve që ishin të bllokuar.

Gjithashtu Balla apelon që shoferët të vendosin zinxhirë automjeteve kur do të lëvizin në akset që paraqesin probleme.

Postimi i ministrit Balla: 

 MOTI I KEQ me reshje të dendura dëbore ka sjellë si pasojë vështirësi në qarkullimin e automjeteve në disa akse rrugore në qarqet Kukës, Shkodër dhe Dibër. Shërbimet e Policisë Rrugore dhe të Patrullave të Përgjithshme  kanë dhënë ndihmë në 21 raste ndaj drejtuesve të automjeteve të bllokuar. Policia e Shtetit apelon për vendosjen e zinxhirëve dhe për zbatim të udhëzimeve të dhëna në njoftimet publike, për rrugët e bllokuara apo ato që paraqesin vështirësi. Për çdo informacion apo nevojë për ndihmë, telefononi në numrin pa pagesë 112.

Respektoni sinjalistikën rrugore

Ruani distancën e sigurisë me mjetet e tjera

Ndiqni udhëzimet e Policisë së Shtetit