Gjatë një vizite në Itali, ku kryetari Arbana do të takojë shijakas emigrantë që jetojnë prej vitesh në Pordenone, sot pati një takim zyrtar me kryetarin e komunës Sacile, Pordenone, Z.Carlo Spagnol, si edhe deputeten dhe zëvëndësministren e Mjedisit znj.Vannia Gava.

Postimi i plotë:

Sot u mirëprita nga kryetari i komunës Sacile, Pordenone, Z.Carlo Spagnol, ku ndamë eksperiencat tona dhe punët në shërbim të qytetarëve, gjithashtu shkëmbyem ide dhe perspektivat për të ardhmen e qyteteve tona. Pjesë e këtij takimi ishte dhe deputetja dhe zëvëndësministrja e Mjedisit znj.Vannia Gava.

Z.Spagnol dhe znj.Gava i konsiderojmë miq dhe i falenderova për mundësinë, mikpritjen dhe bashkëjetesën me shijakasit që jetojnë prej vitesh në këtë qytet.

I ftova miqtë tanë të vizitojnë Shijakun e të shohin nga afër ndryshimet që kemi bërë pesë vitet e fundit me investimet e mbështetura nga Kryeministri Rama dhe qeveria shqiptare.

Kjo vizitë zyrtare ishte gjithashtu që të mundësojmë një lidhje të fortë me shijakasit që jetojnë këtu, si dhe për të forcuar më tej marrëdhëniet dhe mundësitë e bashkëpunimit për projekte të përbashkëta.

Shijakasit që jetojnë prej 20 vitesh në Pordenone, pavarësisht se janë integruar shumë mirë, një pjesë të zemrës së tyre e kanë në Shijak.

Krenar për shijakasit e diasporës!

Mirënjohje