Tragjedi në Fushë-Prezë: Katër të vdekur pasi makina u përplas me një betoniere dhe mori flakë
Një aksident i rëndë me pasojë katër viktima ka ndodhur në orët e vona të mbrëmjes së djeshme në Fushë-Prezë.
Një automjet, pasi është përplasur me një betoniere, ka marrë flakë, duke i marrë jetën drejtuesit dhe tre pasagjerëve. Policia ka shoqëruar drejtuesin e betonieres, i cili ishte larguar nga vendi i ngjarjes, ndërsa hetimet vijojnë për zbardhjen e plotë të rrethanave.
Tiranë/Informacion paraprak.
Më datë 19.03.2025, rreth orës 23:50, në Fushë-Prezë, nga shërbimi i qarkullimit rrugor është konstatuar një automjet i cili kishte marrë flakë dhe para tij qëndronte një automjet betoniere.
Nga hetimet e kryera me qëllim zbardhjen e ngjarjes rezultoi se automjeti drejtohej nga shtetasi E. L., 25 vjeç dhe dyshohet se është përplasur me automjetin betoniere të drejtuar nga shtetasi A. K., 24 vjeç, i cili pas aksidentit ishte larguar nga vendi i ngjarjes.
Si pasojë e përplasjes dhe përfshirjes së automjetit nga flakët kanë ndërruar jetë drejtuesi i automjetit E. L., 25 vjeç dhe 3 pasagjerët në mjetin e tij E. L., 20 vjeç, E. K., 24 vjeç dhe A. L., 22 vjeç.
Në vijim të veprimeve u shoqërua për veprime të mëtejshme drejtuesi i automjetit betoniere shtetasi A. K, 24 vjeç.
Nën drejtimin e Prokurorisë vijojnë hetimet me qëllimin dokumentimin e plotë të ngjarjes.
