Një 68-vjeçar, nga fshati Dukas i Patosit ka alarmuar policinë teksa ka telefonuar në sallën operative duke deklaruar se kishte vrarë bashkëshorten e tij.
Forcat e policisë shkuan menjëherë në vendngjarje por mësuan se 68-vjeçari ishte në gjendje të dehur dhe kishte bërë një njoftim të rremë.
Shtetasja Sh. T. u gjet në banesë, në gjendje të mirë shëndetësore ndërsa telefonuesi u shoqërua në ambjentet e policisë.
Njoftimi i Policisë:
Fier/Informacion paraprak
Rreth orës 14:30, në Sallën Operative të DVP Fier, ka telefonuar shtetasi S. T., 68 vjeç, banues në fshatin Dukas, Patos, i cili ka deklaruar se kishte vrarë bashkëshorten e tij, shtetasen Sh. T., 64 vjeçe.
Menjëherë pas marrjes së njoftimit, shërbimet e Policisë janë nisur drejt vendngjarjes dhe kanë kontaktuar me telefonuesin.
Nga verifikimet e kryera rezultoi se shtetasi S. T., në gjendje të dehur, kishte bërë një njoftim të rremë.
Shtetasja Sh. T. u gjet në banesë, në gjendje të mirë shëndetësore.
Shërbimet e Policisë kanë shoqëruar shtetasin S. T. në ambientet e Komisariatit, për kryerjen e veprimeve të mëtejshme procedurale.
