Dita e sotme do të karakterizohet nga mot me vranësira.
Pjesa e parë e ditës do të jetë në dominimin e vranësirave, të cilat më të fokusuara do të jenë në zonat malore. Ndërsa në pjesën e dytë të ditës pritet që vranësirat të shtohen në të gjithë territorin duke krijuar mundësi për reshje të pakta dhe të izoluara në zonat Jugore dhe Juglindore.
Temperaturat e ajrit do të rriten ndjeshëm në mëngjes dhe në mesditë duke luhatur vlerat ditore nga 3°C deri në 23°C.
Era do të fryjë e lehtë dhe deri mesatare me shpejtësi 1-8m/sek, nga verilindja –veriperëndimi duke krijuar në brigjet detare dallgëzim 2-3 ballë.
