GJKKO administron procesverbalin e dëshmisë së ish shefit të Shtabit të Përgjithshëm Luan Hoxha

GJKKO ka administruar procesverbalin e dëshmisë së ish shefit të Shtabit të Përgjithshëm Luan Hoxha.

Dëshmia e tij është dhënë në gjyqin ku ish ministri i Mbrojtjes Fatmir Mediu është marrë I pandehur për akuzën e shpërdorimit të detyrës lidhur me masakrën e Gërdecit.

15 mars 2008, mesditë ora 12:05 një shpërthim i fuqishëm tronditi Tiranën, në fshatin Gërdec në Vorë.

Ngjarja la pas 26 të vdekur e mbi 300 të plagosur dhe me 100 shtëpi të rrafshuara.

Avokati i Fatmir Mediut dhe avokatët e viktimave kërkuan që Luan Hoxha të pyetet me letërporosi ose përmes video konferencës.