Kryeministri Edi Rama ka mbërritur në Tiranë thuajse pas një jave në SHBA dhe menjëherë ka deklaruar se do shprehet sot për ngjarjen e rëndë të vrasjes së 25-vjeçarit Klodian Rasha nga një efektiv policie.
I akuzuar për heshtjen e tij ndaj vrasjes së Klodian Rashës, Rama ka vendosur të flasë sot, në orën 18:00.
“Më në fund në Tiranë! Sot në 18.00 do të ndaj me shqiptarët qëndrimin tim për vdekjen tragjike të 25 vjeçarit nga efektivi i Policisë së Shtetit! Faleminderit paraprakisht kujtdo që do të gjejë kohën të më ndjekë në tv apo fb”, shkruan Rama.
