Një ngjarje e rëndë është regjistruar pak minuta më parë në zonën e Komunës së Parisit në Tiranë, ku një person ka mbetur i vrarë me thikë.
Konflikti ka ndodhur mes dy punonjësve të të njëjtit lokal.
Ngjarja ka ndodhur pas një konflikti mes picierit Filip Shehu dhe kuzhinierit Indrit Ismaillari, 34-vjeç, i cili ka ndërruar jetë pas plagëve të marra.
Autori është arrestuar nga policia, ndërsa pretendon se viktima e bullizonte prej kohësh.
Momenti i ndalimit të autorit:
Njoftimi i policisë:
Tiranë/Informacion paraprak
Rreth orës 15:30, në zonën e Komunës së Parisit, në ambientet e një lokali, shtetasi F. Sh., rreth 41 vjeç, dyshohet se gjatë një konflikti për motive të dobëta, ka goditur me mjet prerës shtetasin I. I., rreth 34 vjeç, të dy punonjës të lokalit.
Shtetasi I. I. ka humbur jetën në spital, si pasojë e plagëve.
Falë reagimit të menjëhershëm të shërbimeve të Policisë, autori i dyshuar, shtetasi F. Sh., është kapur dhe shoqëruar në Komisariat, menjëherë pas ngjarjes.
Grupi hetimor vijon punën për përcaktimin e rrethanave dhe dokumentimin e plotë të rastit.
