Në një deklaratë të fundit, Taulant Balla ka vënë theksin tek roli strategjik që ka Bashkia Vorë në zhvillimin ekonomik të vendit.
Sipas tij, Vora, së bashku me Kasharin, përbëjnë një nga zonat më të rëndësishme ekonomike në Shqipëri, ku ndërthuren korridorët kryesorë të transportit dhe ku operon një numër i madh kompanish. Ky potencial e kthen Vorën në një pikë kyçe për zhvillimin e qëndrueshëm në vitet e ardhshme.
Në kuadër të vizionit #Shqipëria2030, Balla theksoi se ky dimension ekonomik do të jetë baza mbi të cilën do të ndërtohet e ardhmja e kësaj bashkie, duke sjellë më shumë investime, punësim dhe zhvillim për komunitetin.
Gjithashtu, ai bëri me dije se me Asamblenë e Partisë Socialiste në Vorë është çelur procesi i forcimit të strukturave lokale, një hap që synon rritjen e organizimit dhe angazhimit politik në këtë zonë me rëndësi të veçantë.
Vora po shndërrohet çdo ditë në një nyje strategjike të zhvillimit ekonomik dhe një model për të ardhmen.
