Ndryshime të tjera në qeveri, Rama rezervon një tjetër surprizë si zv.ministër të Brendshëm

Dita e sotme ka qenë ditë e ndryshimeve në qeveri.

Pas emërimit të Bledi Çuçit në postin e ministrit të Brendshëm,  zv-ministër është emëruar një emër jo edhe aq i njohur për publikun

Andi Mahila është emëruar zv.ministër i Brendshëm.

Mahila deri tani mbante postin e administratorit në Universitetin e Mjekësisë Tiranë.

Po ashtu ai ka mbajtur edhe postin e konsullit të Shqipërisë në Athinë.

Emërimi i tij vjen në të njëjtën ditë, kur në qeveri janë bërë disa ndryshime edhe më të bujshme. Sot është larguar nga posti i ministrit të Jashtëm Gent Cakaj, për t’u zëvendësuar nga Olta Xhaçka.

Vendin e mbetur bosh te ministria e Mbrojtjes e zuri Niko Peleshi.