Dita e sotme ka nisur me një njoftim të rëndësishëm të kryeministrit Rama, i cili njoftoi se Shqipëria ka arritur marrëveshjen me kompaninë Pfizer për të blerë 500 mijë doza të vaksinës kundër koronavirusit.
Por menjëherë pas kësaj deklarate nga Rama ka ardhur edhe reagimi i kryedemokratit Basha, i cili shkruante në rrjetet sociale se Rama po e sjell vaksinën më vonë se vendet e tjera.
Por në postimin e tij Basha shkruante se Serbia dhe MAqedonia e Veriut e kanë nisur vaksinimin, por ka gabuar. Në fakt, vetëm Serbia ka nisur vaksinimin, ndërsa Maqedonia ende nuk ka siguruar dozat e para të vaksinës.
Basha e ka kuptuar gabimin dhe e ka fshirë menjëherë postimin, ndërkohë që e ka postuar sërish por këtë herë të rregulluar.
Nuk është hera e parë që Basha bën gafa, pasi edhe vitin e kaluar disa herë është vënë në qendër të vëmendjes për gafat e tij, që shpeshherë janë bërë edhe “meme” në rrjetet sociale.
