Mjeku shqiptar Albert Troci në një lidhje me Skype nga Italia, tregoi se ka marrë dozën e parë të vaksinës “Pfizer”.
Mjeku shtoi se shpreson që me vaksinimet të arrijnë t’i japin fund pandemisë që ka mbërthyer botën.
“Mund të them që është një ndjesi e mirë. Ajo që ndjeva në atë moment është si të thuash një çlirim. Më duket si dita e çlirimit, ku ne do të fillojmë ta heqim tani e tutje nga jeta virusin. Shpresojmë që ky vit të jetë viti i pastrimit global nga Covid, – tha Troci. – Kjo është doza e parë, pas 21 ditësh bëhet doza e dytë në krahun tjetër, për të evituar reaksione lokale. Duhet pasur parasysh, se kur një person sapo është vaksinuar, pas 10 ditësh, kur është marrë doza e dytë, ka një fillim të imunitetit”, u shpreh mjeku shqiptar.
