30 vite nga eksodi biblik i shqiptarëve, Basha: Sot, shqiptarët po ikin nga keqqeverisja që na mban larg Europës
Kryetari i Partisë Demokratike, Lulzim Basha ka reaguar në lidhje me kuadër të 30-vjetorit të eksodit të madh të shqiptarëve drejt Italisë.
Përmes një mesazhi, lideri demokrat thekson se sot, sërish shqiptarët po ikin masivisht nga keqqeverisja që mban vendin larg Europës.
REAGIMI I BASHËS
30 vite më parë eksodi biblik i shqiptarëve drejt Italisë, shembi njëherë e përgjithmonë murin ndarës mes Shqipërisë dhe Europës.
30 vite më pas, sërish shqiptarët po ikin masivisht nga keqqeverisja që na mban larg Europës dhe nga pamundësia për të ndërtuar jetën në vendin e tyre. Ne do ta shërojmë këtë plagë dhe, siç u mundësuam shqiptarëve të lëvizin pa viza, do t’i japim çdo familjeje shqiptare shpresë dhe mundësi për një jetë më të mirë, një Shqipëri si gjithë Europa.
