Përqafimi i fitores”, me karrige kuq e zi, nisin përgatitjet për takimin e Ramës në Sheshin “Skënderbej”

Teksa kryeministri Edi Rama njoftoi se PS do të mbajë sot një takim në orën 18:00, përgatitjet në sheshin Skëndërbej kanë nisur. Takimi në fjalë vjen pas rezultateve që PS mori në zgjedhje ku deri më tani ka fituar 74 mandate.

Kreu i qeverisë e cilësoi këtë takim si “Përqafimi i fitores”, ndërkohë që shihet se në këtë skenë ka elemente kombëtare, siç janë karriget kuq e zi. Siç shihet edhe nga pamjet e publikuara nga LSA, në këtë shesh nuk mund të mungonte dhe podiumi, që mban sipër trëndafilin, lulen simbol të PS.