Një ngjarje tragjike ka ndodhur në Zvicër, ku një adoleshent 15-vjeçar kosovar i identifikuar si Adrian Morina, ka humbur jetën pasi u përplas nga treni.
Ai është nga fshati Panorc i Malishevës por jetonte në Zvicër.
Ngjarja tragjike ka ndodhur në qytetin Nauchatel. Sipas mediave kosovare, lajmi u konfirmua zyrtarisht edhe nga vetë nënkryetari i Komunës së Malishevës, Hajdin Berisha.
“Po fatkeqësisht është e vërtetë”, ka thënë Berisha për Reporteri.net.
Familja e 15 vjeçarit është nga fshati Panorc i Malishevës, dhe ata janë zhvendosur në shtetin zviceran që nga paslufta e Kosovës.
Pikërisht një aksident i tillë tragjik ndodhi edhe gjatë muajit tetor, ku dy vëllezër kosovarë që jetonin në Gjermani, u goditën nga treni dhe humbën tragjikisht jetën.
Ata ishin nga komuna e Deçanit, fshati Ratishi i Epërm.
