Policia ka reaguar zyrtarisht mbi të shtënat me armë zjarri në Tiranë. Fillimisht u raportua se është hapur zjarr ndaj një makine në Lëvizje në zonën e Lundrës. Sipas policisë janë plagosur 4 persona, ku 3 janë të moshës 19, 11 dhe 17 vjeç.
“Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç.
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
Për këtë ngjarje do të kemi informacion më të zgjeruar pas sqarimit të plotë të rrethanave të rastit”, njofton policia.
