Greqi- Një tërmet i fortë me magnitudë 5.7 të shkallës Rihter ka tronditur gjatë natës Greqinë. Mediet fqinje raportojnë se lëkundja e fortë është regjistruar në jugperëndim të qytetit të Nisyros, në Dokekanez. Instituti Sizmologjik
Euro-Mesdhetar (EMSC) njoton se tërmeti ka qenë me një thellësi të vogël prej rreth 2 kilometrash. Mediet greke kanë kontaktuar me autoritetet e ishullit, të cilët kanë thënë se tërmeti është ndjerë shumë, por fatmirësisht nuk raportohet për dëme.
Lëkundja është regjistruar në orën 01:14 të mesnatës, ndërsa disa minuta më vonë është shënuar një tjetër tërmet me magnitudë 4 të shkallës Rihter, me një epiqendër 24 km në jugperëndim të Tilos dhe një thellësi prej 10 km.
Kujtojmë se një tërmet me madhësi 3.6 tronditi rajonin të hënën në mëngjes. Epiqendra u raportua 21 kilometra në jugperëndim të Tilos.
