Shënohet viktima e parë nga zjarret në Shqipëri.
Mësohet se ka humbur jetën një i moshuar në fshatin “Asim Zeneli”, ku situata nga zjarri ka dalë jashtë kontrollit, teksa ka nisur dhe evakuimi i banorëve.
Lajmi i rëndë është konfirmuar për mediat nga burime zyrtare nga Ministria e Mbrojtjes. Po ashtu, të njëjtat burime raportojnë se edhe gruaja e të ndjerit ka pësuar djegie të shumta në trup.
Ministri i Mbrojtjes, Niko Peleshi, është nisur nga Vlora drejt fshatit të Gjirokastrës, ku situata është mjaft e rënduar teksa flakët e tymi janë futur nëpër banesa.
