Ministri Ulsi Manja: Mos u merrni me patronazhistët tanë, ata po bëhen gati për zgjedhjet lokale
Ministri i Drejtësisë Ulsi Manja, gjatë fjalës së tij hodhi poshtë pretendimet e opozitës se projektligji për bashkëqeverisjen është anti-kushtetues.
Ndërsa replikonte me deputetin demokrat Dashnor Sula, Manja i kërkoi atij që të mos merret me patronazhistët e PS, pasi ata po bëhen gati për zgjedhjet lokale.
“Çfarë është projektligji për bashkëqeverisjen, nëse deri dje një qytetar që kishte një ankesë, i drejtohej institucionit me një shkresë, dhe i kalonte nëpunësit për Marrëdhëniet me Publikun apo ankesat. Merrte apo nuk merrte përgjigje. E njëjta gjë do ndodhë edhe sot. Do t’i drejtohet institucionit dhe do të marrë përgjigje nga institucioni i linjës, por me një ndryshim që dixhitalizohet marrëdhënia e qytetarit dhe nuk do ketë mundësi të ngelë në sirtar. Mbasi të marrë votën mund ta çoni në Gjykatën Kushtetuese.
