Ambasadorja e SHBA-së në Shqipëri, Yuri Kim u takua këtë të martë në Pallatin Presidencial me kreun e ri të shtetit, Bajram Begaj.
Ndërsa e uroi për zgjedhjen e tij si President i ardhshëm i Shqipërisë, diplomatja amerikane përsëriti se Shtetet e Bashkuara presin të vazhdojnë bashkëpunimin me të në detyrën e tij të re.
Kim e falënderoi për kontributin e tij në forcimin e marrëdhënieve SHBA-Shqipëri si Shef i Shtabit, veçanërisht gjatë stërvitjes ushtarake Defender Europe 2021 dhe vuri në dukje se ajo pret shumë takime të tjera gjatë presidencës së tij të ardhshme.
