32 vjetori i PD / Berishës s’i del e keqja me Bashën: E shndërroi partinë në fasadë të qeverisë

Kreu i PD-së, Sali Berisha, në ceremoninë e 32 vjetorit të themelimit të Partisë Demokratike, ka akuzuar ish kryetarin Lulzim Basha.

Berisha tha se Basha ka tradhtuar besimin e popullit opozitar dhe kërkoi të shndërronte Partinë Demokratike në aleate të Partisë Socialiste të Edi Ramës.

“Kjo parti për shkak të marrëveshjeve të fshehta për shkak të interesave të ish kreut të përziera dhe të papërziera me kreun, ajo u shndërrua në një fasadë të një qeverie që kalonte nga një skandal në tjetrin.

Në zgjedhjet e 25 prillit një besim i jashtëzakonshëm i popullit opozitar u tradhtua për interesa të ulta dhe meskine vetëm që PD të shndërrohej në aleate të PS të Edi Ramës”, tha Berisha.